- ASMARANDANA piniji , mbabar rasaning duhkita, koncatan jati dhiriné , karoban budaya manca , tanpa bisa dinuwa , praptèng daringan lumurug , anak putu kéntar padha /
- Dhuh Gusti Kang Maha Suci , paringa sabar narima , kabèh sadarma linakon , bisané cipta lan rasa , nyawiji lawan karsa , tinuntun kang Maha Agung , sumusup alusing rasa /
- Agama kudu pinerdi , dadya tuntunaning gesang , nyawiji karsa Hyang Manon , mangka santosaning jiwa , déné budaya ika , pranata bebrayan agung , éndah larasing srawungan /
- Amangun budaya iki , linambaran kadiwasan , iman ilmu lan amalé , sumarah karsa Pangéran , Kang Ngayomi lan Wikan , mobah mosiking tumuwuh , jroning alam kang gumelar /
- Nanging isih ana ugi , panglipur sadina-dina , sinebar radhiyo Inyonk , seni lan budaya Jawa , pranyata isih ana , gamelan wayang kaprungu , langgam Jawa ndudut rasa ///
16 Juni 2008
ASMARANDANA Tanggap Warsa
Langganan:
Posting Komentar (Atom)
Tidak ada komentar:
Posting Komentar